Azərbaycan və Ermənistan qoşunlarının təmas xəttində daha bir erməni hərbçisi öldürülüb.

ANS-in məlumatına görə, bu barədə Ermənistan Müdafiə Nazirliyinin mətbuat xidməti xəbər yayıb.

Xəbərdə bildirilir ki, 25 yaşlı hərbçi Şekspir Mhitaroviç Akopyan qoşunların təmas xəttinin Qarabağ hissəsində öldürülüb.

Erməni hərbçi fevralın 4-dən 5-ə keçən gecə təmasın xəttinin Qarabağ istiqamətində yerləşən hərbi hissələrdən birində ölümcül güllə yarası alıb və yerindəcə ölüb.

Qeyd edək ki, erməni kəşfiyyat-təxribat qrupları Azərbaycan ordusunun mövqelərinə hücum etməyə cəhd edirlər. Lakin Azərbaycan ordusunun əsgərlərinin sayıqlığı nəticəsində düşmən itki verərək geri çəkilir.