Yanvar-fevral aylarında Bakı əhalisinə göstərilən ödənişli xidmətlərin dəyəri 2017-ci ilin müvafiq dövrü ilə müqayisədə 0,9 faiz artaraq 799,8 milyon manata çatıb.

Bakı Şəhər Statistika İdarəsindən Axar.az-a bildiriblər ki, hüquqi şəxslər tərəfindən əhaliyə 498,7 milyon manatlıq xidmət göstərilib ki, bu da xidmətin ümumi dəyərinin 62,4 faizini təşkil edib.

Qeyri-dövlət sektorunda əhaliyə göstərilən ödənişli xidmətlərin dəyəri əvvəlki ilin müvafiq dövrünə nisbətən 3,6 faiz artaraq 624,8 milyon manat olub. 2018-ci ilin yanvar-fevral ayları ərzində hər bir şəhər sakini orta hesabla ayda 163,3 manatlıq və ya ötən ilin müvafiq dövrü ilə müqayisədə nominal ifadədə 5,6 manat çox müxtəlif ödənişli xidmətlərdən istifadə edib.