Axar.az
Yuxarı

“Boykot kitab satışına ciddi təsir edib”

Ana səhifə Kult
12 Punto 14 Punto 16 Punto 18 Punto

"Bu hadisələrin kitab satışına böyük təsiri oldu".

Bu sözləri "Ali və Nino" kitab mağazaları şəbəkəsinin rəhbəri Nigar Köçərli məlum boykot qalmaqalı ilə bağlı Axar.az-a danışarkən deyib:

"Gəlin, lap əvvəldən başlayım. "Əli və Nino" kitab şəbəkəsi 10 il əvvəl yaranıb. Bakının müxtəlif məkanlarında 12 satış nöqtəmiz var. Bölgələrdə yaşayan kitabsevərlər üçün www.alinino.az saytı vasitəsilə kitab çatdırırıq.

Oxuculara Azərbaycan, türk, ingilis və rus dilində kitablar təqdim olunur. Azərbaycan ədəbiyyatına dəstək olaraq Milli Kitab Mükafatı və BookClub layihələrini yaratmışıq.

Hər zaman Azərbaycan ədəbiyyatının, Azərbaycan oxucusunun yanında olmuşuq. İmza günləri, təqdimatlar – bunları ilk biz etmişik. "Qanun" nəşriyyatı ilə birgə Azərbaycan dilinə klassik və müasir yazarların kitablarını tərcümə etmişik.

Amma son vaxtlar şəbəkəmizdə ciddi problemlər yaranib. Bu 10 il ərzində satışa götürdüyümüz, amma satılmayan kitabların sayı 15-20 minə yaxınlaşdı. Bilirsiniz, bizim bütün mağaza və anbarımız kirayədədir. Hamısına böyük pul ödəyirik. Yazarlara zəng vururuq ki, gəlin götürün, bizdə saxlamağa yer yoxdur, yazarlarsa bizdən inciyirlər. Həm də bilirsiniz, dünyanın heç bir yerində kitab mağazası yazar ilə birbaşa işləmir. Yazar kitabını yazır, nəşriyyat o kitabı öz hesabına buraxır, yayım şəbəkəsinə verir, PR işini qurur. Bizdə isə əfsuslar olsun, yazar öz hesabına kitabını çap edir, sonra da sata bilməyəndə kitab mağazasına boykot elan edir. Yazar elə bir maraqlı kitab yazmalıdır ki, nəşriyyat onu öz hesabına buraxıb, yazıçıya yaxşı qonorar versin.

Qan Turalı kitabı ilə bağlı bizim satış şöbəsinə müraciət etdi, satış şöbəsi də qərara gəldi ki, təqdimatını da edək, kitabını da götürək, amma o istədiyi sayda yox, cəmi 10 ədəd.

İndi boykot söhbəti başladıblar. Nə boykot? Zatən onlar heç biri kitab oxumurlar axı. Nə vaxt "Əli və Nino"dan kitab alıblar? Çoxu heç mağazaların harada olmasını bilmir.

Və ümümiyyətlə, mən burada yazarlar və Nigar Köçərli arasında konflikt görmürəm. Mən bunu bizə qarşı adını çəkmək istəmədiyim şəxsin ətrafına yığışanlara tapşırığı ilə başlayan kampaniya kimi qarşılayıram.

Axı bunu uşaq da bilir ki, bizim işimiz kitab satmaq, daha çox satmaq, daha çox qazanmaqdır. Kitabın satışı yaxşı olsaydı, sizcə, satışdan niyə imtina edərdik ki? Oxucuya maraqlı olan kitabları biz böyük məmnuniyyətlə satışa götürürük.

Bir yanda boykot kampaniyası başladılıb, bir yanda isə bizə dəstək kampaniyası. Çox sağ olsunlar.

Bu söhbətlər ortaya çıxandan kitab satışında ciddi dəyişiklik olub. Bilirsiniz, bizim reklam kampaniyalarını aparmaq üçün maliyyə imkanlarımız yoxdur. Nə qazanırıq ki, reklama pul ayıraq? Bir həftədir ki, bütün mediada bizi pulsuz piar edirlər. Satışa yaxşı təsiri var, çox sağ olsunlar".

Yazıçı Qan Turalı isə Axar.az-a açıqlamasında bunları deyib:

"Ali və Nino" zatən, kitaba diqqət göstərmir. Bu mənada onun boykotu da kitaba qarşı diqqətsizlik yaratmayacaq.

Hamının kitabını satsın – yeganə şərtimiz budur".

Tarix
2015.06.05 / 12:26
Müəllif
Nigar An
Şərhlər
Digər xəbərlər

Alim Qasımov Şuşada Azan oxudu - Video

ABŞ hərbi mərkəzinin Ordumuz haqda sensasion qənaəti

Saxtalaşdırılmış yurd adlarımız bir kitabda

Tarixçi alim Hacı Şahinə müraciət etdi: Susursunuzsa, deməli...

Səyyad Əlizadənin səhhəti ilə bağlı xoş xəbər

“Bu şəhərdə” yeni kanalda yeni adla gəlir

AUKUS Avropanı dağıdır: “sağ qalmaq” üçün nə edək?

Cəlilabadda qədim məzarlıq tapıldı - Foto

Tarkan yubka geyindi - Video

Dünyanın ən varlı 25 ailəsinin - Siyahısı

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla