Axar.az-ın "Dahilərlə mübahisə" layihəsində sənət adamları dahi filosof və yazıçıların aforizmləri üzərində qurduğumuz suala cavab verərək, bir növ, onunla polemikaya girirlər.

Layihənin qonağı filosof Niyazi Mehdi, sual isə belədir: "İnsan xarakteri üçün müqəddəslik vacib keyfiyyətdir, yoxsa ədalətli olmaq?"

- Ümumiyyətlə, sualın özündə qəribə bir paradoks var. Müqəddəslik nadir rast gəlinən xüsusiyyətlərdəndir. Buna görə də hamıya aid ola bilməz. Ədalətli olmaq isə nadir deyil, yəni hamı ədalətli ola bilər. Ancaq elə hallar da olur ki, həmin situasiyada adamın ədalətli olmağa gücü çatmır.

Ədalət – zəruri anlayışdır. Məsələn, heç kimi müqəddəs olmadığına görə mühakimə etmək olmaz. Təbii ki, peyğəmbərləri çıxmaq şərti ilə... Ancaq ədalətli olmadığına görə hər kəsi mühakimə etmək olar.

Qeyd: Sual fransız yazıçı Viktor Hüqonun "Səfillər" romanında yer alan "Müqəddəs olmaq müstəsna bir şeydir. Ədalətli olmaq isə qaydadır" aforizmi əsasında qurulub.