Azərbaycanlı rejissor Kənan M.M türk müğənnisi Özcan Dənizi təhqir edib.

Axar.az Teleqraf.com-a istinadla xəbər verir ki, Kənan M.M İnstaqramda Özcan Dənizin ünvanına bu sözləri yazıb:

“Biz hər türk şəhidinə görə çox pis olururq. Millətim, fanat ordusu, Allah xatirinə, artıq oyan! Kimə qucaq açdığına bax! Bəzi bambılı qızlar “Özcan” deyə-deyə qala gecələrində üstünə tullansın. Azərbaycandan filmlərində pul qazan, bizim balalarımızı, qardaşlarımızı, analarımızı şəhid edən şərəfsiz erməni mahnısı oxusun...

Sən də belə getdin... Qurban olasan türk dostlarımıza, sənə yüzminlərlə pul verən azərbaycanlı utansın!

Bir türk əsla ermənicə mahnı oxuya bilməz, oxuyarsa türk deyil. Sənin və tərəfini tutanların üzünə tüpürüm”.

Qeyd edək ki, Türkiyənin tanınmış müğənnisi Özcan Dənizin 2009-cu ildə Kanal 24-ün aparıcısı Sırrı Sürəyyanın verilişində Emin Sabitoğlunun "Dağlar" mahnısını "erməni mahnısı" kimi ermənicə oxuması ötən gün gündəmə gəlib və çox böyük reaksiya doğurub.