Suriyanın ərazi bütövlüyü, suverenliyi və təhlükəsizliyinə sadiqliyimizi bir daha təsdiqlədik. Amma bunu dekabrın 8-dən dərhal sonra da demişdik. Suriyada bir dövr sona çatdı, başqa bir dövr başladı, lakin başlayan dövr elə də asan deyil.

Axar.az xəbər verir ki, bu sözləri Türkiyənin xarici işlər naziri Hakan Fidan İslam Əməkdaşlıq Təşkilatı (İƏT) Xarici İşlər Nazirləri Şurasının fövqaladə iclası zamanı jurnalistlərin suallarını cavablandırarkən deyib.

“Çətinlik daha böyükdür. Problemli sahələr daha qabarıq şəkildə özünü büruzə verdi və burada daha yüksək məsuliyyət var”, - o bildirib.

Fidan əlavə olaraq, Suriyanın ciddi investisiyalara, ictimai potensialın yüksəldilməsinə və infrastrukturun inkişafına ehtiyacı olduğunu da qeyd edib.