İran ABŞ-la nüvə danışıqlarını öz şərtləri əsasında bərpa etməyə hazırdır.

Axar.az xəbər verir ki, bunu İranın dini lideri Əli Xameneinin xarici siyasət üzrə müşaviri Kamal Xərrazi deyib.

“Onlar qoyduğumuz şərtlər əsasında bizimlə dialoqa hazır olduqlarını göstərmək üçün ilk addımı atmalıdırlar. Bu, bərabər əsaslar və qarşılıqlı hörmət üzərində qurulmalıdır. İranın ABŞ-la danışıqlara başlamaq üçün şərtləri dəyişməyib və milli ehtiyaclarını qarşılamaq məqsədilə uranın zənginləşdirilməsi prosesini davam etdirəcək.

ABŞ-la nüvə danışıqları uranın zənginləşdirmə prosesinin özü haqqında yox, zənginləşdirmənin dərəcəsi ətrafında aparılacaq”, - Xərrazi bildirib.