ABŞ Prezidenti Donald Trampın xüsusi nümayəndəsi Stiven Uitkoff Ukrayna Prezidenti Vladimir Zelenski ilə İstanbulda planlaşdırılan görüşünü Kiyevin Vaşinqtonun təklif etdiyi sülh planını müzakirə etmək istəyini nümayiş etdirməməsi səbəbindən ləğv edib.

Axar.az xəbər verir ki, bu barədə “Axios” məlumat yayıb.

“ABŞ tərəfi hesab edib ki, Ukrayna nümayəndələri təşəbbüsün həyata keçirilməsində iştirak etmək üçün əvvəllər ifadə etdikləri istəklərindən faktiki olaraq imtina edib. Yaranan anlaşılmazlıq isə cümlələrin qavranılmasındakı fərqdən qaynaqlanır. Kiyevdə Uitkoffun layihəsi qaralama və ilkin layihə hesab olunurdu, Vaşinqtonda isə əksinə buna artıq formalaşmış rəsmi razılaşma planı kimi baxılırdı”, - məlumatda deyilib.