Rusiyanın peşmərgə qüvvələrinə terrorçulara qarşı mübarizədə yardım etməməsi ölkədə bəzi qüvvələrin narazılığına səbəb olur.

Axar.az xəbər verir ki, bu fikirlərin müəllifi, Yaxın Şərq üzrə mütəxəssis Səmən Baqdasarov Rudav-a verdiyi açıqlamada bildirib ki, dünyanın super gücləri arasında göstərilən Rusiya çox güclü silahlara sahib olsa da, peşmərgə qüvvələrinə yardım etməməsi geosiyasi səhnədə birmənalı qarşılanmır:

"Qərb dövlətləri kürdləri Londonda keçirilən konfransa çağırmadı. Rusiya özünü böyük güc olaraq görən Qərb ölkələrinin bu rəftarına qarşılıq olaraq bu gün kürdlərə silah yardımı etmir. Bu mövzuda Kremldə fikir ayrı-seçkiliyi də var. Lakin qəti qərarın verilməsinə beynəlxalq əlaqələr təsir edir".

Hərbi ekspert Konstantin Sivkov da bu fikirdədir. Onun sözlərinə görə, mövcud qanunlar peşmərgə qüvvələrinə yardımı mümkünsüz edir:

"Mövcud qanunlar Rusiyanın yardımlarını əngəlləyir. Təəssüf ki, kürdlər dünyada tam qəbul olunan siyasi tərəf deyil. Buna görə də Rusiya yalnız qəbul olunmuş rəhbərliyə silah yardımı edir".