İsrailin Baş naziri Binyamin Netanyahu Eli Şarviti “Şin Bet” daxili kəşfiyyat xidmətinin yeni rəhbəri təyin edib.

Axar.az xəbər verir ki, bu barədə Baş nazirin ofisi məlumat yayıb.

Eli Şarvit bundan əvvəl İsrail Hərbi Dəniz Qüvvələrinin komandanı olub. O, ölkənin ərazi sularında dəniz müdafiə qüvvələrinin yaradılmasına rəhbərlik edib və HƏMAS, Hizbullah, eləcə də İrana qarşı əməliyyatları idarə edib.

Şarvit son 29 ildə təhlükəsizlik xidməti sıralarında xidmət etmədən “Şin Bet” rəhbəri təyin edilən ilk şəxsdir.

Qeyd edək ki, martın əvvəlində Netanyahu HƏMAS-ın ötən il, oktyabrın 7-də həyata keçirdiyi hücuma görə məsuliyyətlə bağlı fikir ayrılıqları, eləcə də girovlarla bağlı danışıqlarda və Qətərlə əlaqədar aparılan araşdırmalarda yaranan problemlər səbəbindən Şarvitin sələfi Ronen Barı vəzifəsindən azad etmişdi.