Ötən gecə İsrail hərbi kolonunun Suriyada bufer-zonadan kənar ərazidə pusquya düşməsi və 10 hərbçisini itirməsi barədə sosial şəbəkələrdə yazılanlara aydınlıq gətirilib.

Axar.az xəbər verir ki, “Yerusəlim Post” İsrail ordusu dünən axşam saatlarında Suriyanın cənubundakı Tasil bölgəsində hərbçilərə atəş açan bir neçə silahlı terrorçunu məhv etdiyini təsdiqləyib.

Bildirilib ki, İsrail hərbçiləri həmçinin terrorçuların silahlarını müsadirə edib, infrastruktur məhv olunub:

“Ordu bölgədəki əməliyyatını dayandırıb, lakin İsrailin Suriyada hərbi təhlükənin olmasına icazə verməyəcəyini bildirib”.

Qeyd edək ki, İsrail hərbi kolonunun Dəra ərazisində pusquya salındığı və 10 hərbi də daxil olmaqla, bir neçə zirehli texnikasının məhv edildiyi bildirilmişdi. İddia edilirdi ki, İsrailin Suriya ərazisində quru əməliyyatı keçirməsinə Suriyanın yeni hökuməti qarşılıq verib və əraziyə qüvvələr göndərib.