ABŞ Prezidenti Donald Tramp və vitse-prezident Cey Di Vens yay tətili üçün Böyük Britaniyaya səfər edəcəklər.

Axar.az Bakupost.az-a istinadən xəbər verir ki, Vens həyat yoldaşı və üç uşağı ilə avqustun ortalarında Londona uçacaq. Onlar kottec icarəyə götürüb bir neçə gün İngiltərənin cənub-qərbindəki Kotsvolds bölgəsində qalacaq. Sonra Şotlandiyaya səyahət edəcəklər. Hazırda ABŞ vitse-prezidenti Böyük Britaniyanın xarici işlər naziri Devid Lammi ilə də görüşmək istəyir, lakin onların qrafiki üst-üstə düşməyib.

Əvvəllər bildirilirdi ki, Trampın təyyarəsi iyulun sonu və ya avqustun əvvəlində Şotlandiyaya enəcək və burada qolf meydançalarını ziyarət edəcək. Yerli polis Amerika liderinin mümkün səfərinə hazırlığı təsdiqləyib. Siyasətçinin təhlükəsizliyini təmin etmək üçün 5000-ə qədər asayiş keşikçisini toplamaq lazım gələcək.