Almaniyanın Aşağı Saksoniya əyalətinin Klausthal-Tsellerfeld şəhərində yerləşən ölkənin ən böyük taxta kilsəsində yanğın baş verib.

Axar.az Azərtac-a istinadla xəbər verir ki, hadisə nəticəsində kilsənin bir hissəsi yanıb.

Yanğının tam söndürülməsi bir neçə saat çəkib. Polisin məlumatında yanğının qəsdən törədilməsinin ehtimal olunduğu və bu istiqamətdə istintaqın başlandığı bildirilib.

Evangelik-lüteran kilsəsi yanğınla əlaqədar kilsənin ziyarət üçün bağlandığını elan edib.

Təxminən 2 min nəfərin ibadət edə bildiyi bu tarixi kilsə XVII əsrdə inşa edilib. Kilsə Şimali Almaniyanın barokko dövrünə aid ən mühüm abidələrindən hesab olunur. Tikintisində palıd və küknar ağaclarından istifadə olunan bina dəfələrlə əsaslı təmir edilib.