Son vaxtlar Bakıda fəaliyyət göstərən taksi şirkətlərinin sayında artım müşahidə olunur.

Axar.az xəbər verir ki, bu artım şirkətlər arasında rəqabəti günü-gündən artırır.

Bir çox şirkətlər ən ucuz və operativ xidmətə üstünlük verməklə bazarda güclənməyə, müştərini özlərinə cəlb etməyə çalışırlar.

Biz də Bakıda ən ucuz fəaliyyət göstərən taksi şirkətlərini araşdırdıq. Ünvan olaraq isə Bakının Binəqədi rayonu, 7-ci mikrorayonunda yerləşən Beynəlxalq Universitetdən İçərişəhər metrosu istiqamətini (məsafə 10-12 km - red.) seçdik.

Beləliklə, bu marşrut üzrə ən ucuz gedən taksi şirkətlərini təqdim edirik:

*9933 Salam taksi - 4,45 manat

*9111 Ekonom taksi - 5,20 manat

*2424 taksi - 5,70 manat

*5959 Felix taksi - 5,70 manat

*8844 Siti taksi - 6,20 manat

189 taksi xidməti - 7 manat

*9000 Bakı (London) taksi xidməti ilə əlaqə yaratsaq da, sifariş üçün təqdim olunan nömrə fəaliyyət göstərmir. Şirkətin saytında yazılan məlumata görə isə taksiyə əyləşərkən 1 manat, əlavə gözləmənin hər dəqiqəsi üçün 0,05 manat ödəməlisiniz. Gedəcəyiniz məsafə 0-10 km arası olarsa, hər km üçün 70 qəpik, 10-20 km arası 40 qəpik, 20 km-dən artıq ünvanlarda isə 20 qəpik xərciniz çıxacaq.