Prezident İlham Əliyevin 27 may 2019-cu il tarixli sərəncamı ilə Azərbaycan Xalq Cümhuriyyətinin yubiley medalı ilə təltif olunanlar arasında Bakı Dövlət Universitetinin alimləri də yer alıb.

Axar.az xəbər verir ki, bu gün “Azərbaycan Xalq Cümhuriyyətinin 100 illiyi (1918-2018)” yubiley medalının təqdimetmə mərasimi keçirilib. Mərasimdə Təhsil naziri Ceyhun Bayramov da iştirak edib.

Qeyd edək ki, təltif edilənlər arasında BDU Tarix fakültəsinin dəyərli alimləri, tanınmış tarixçilər – professorlar Anar İsgəndərov, Qabil Əliyev və Lətifə Əliyeva, dosentlər Boran Əziz və Rövşən Hətəmov da var.

Həmçinin tanınmış simalar Firdovsiyyə Əhmədova, Ədalət Tahirzadə və Nəsiman Yaqublu da bu medala layiq görülüb.