Yuxarı

Dollarla kreditlərə hansı güzəştlər edilə bilər? – Rəy

Ana səhifə Gündəm
12 Punto 14 Punto 16 Punto 18 Punto

Hazırda dollarla olan kredit borcları ilə bağlı məsələdə yaranmış problemi aradan qaldırmaq üçün iki mühüm metoddan istifadə edilə bilər.

Bu sözləri Axar.az-a açıqlamasında iqtisadçı alim Vüqar Bayramov deyib. Ekspert Mərkəzi Bankın üzən məzənnə siyasətinə keçməsindən sonra dollarla götürülən kreditlərin qaytarılması məsələsində güzəştin vacibliyini bildirib:

"Bununla bağlı fərqli ölkələrdə müxtəlif modellər var. Bu ilin əvvəlində 10000 dollar kredit götürən vətəndaşın kreditinin həcmi manatla ifadədə 7800 manat idisə, hazırda bu məbləğ 15550 manatdan artıqdır. Praktik olaraq nəzərə alaq ki, bu müddət ərzində heç bir sektorda əmək haqlarının iki dəfə artımı müşahidə edilməyib. Deməli, bu halda xarici valyuta ilə kredit götürənlərin əksəriyyətinin ödəmə qabiliyyəti zəifləyəcək. Çünki gəlirlərlə xərclər arasında kəskin fərq yaranıb. Bu baxımından Mərkəzi Bank məsələyə müdaxilə edə bilər".

İqtisadçı dövlət tərəfindən məsələyə müdaxilədə iki mühüm metod təklif edib:

"Birincisi, Qazaxıstanda olduğu kimi, kompensasiya mexanizmindən istifadə edilə bilər. Yəni devalvasiya əsasında yaranan fərq MB tərəfindən qarşılanmalıdır. Belə ki, fərq hesablanır və dövlət tərəfindən birbaşa banklara kompensasiya edilir. Vətəndaş isə kreditini əvvəlki məzənnə ilə ödəyir. Dollarla olan kreditlərin həcminin 7 milyarddan artıq olduğunu nəzərə alsaq, bütün xərclərin dövlət tərəfindən qarşılanması indiki məqamda mümkünsüz görünür. Ona görə digər, daha real varianta baxmaq lazım gəlir".

V.Bayramov real təklif kimi Rusiya mexanizmindən istifadəni görür:

"Rusiyada xarici valyuta ilə kredit götürənlərə güzəşt dövrü verildi. Vətəndaş isə 5 il müddətində kreditini hissə-hissə qaytarır. Bu, daha real güzəşt variantıdır".

Ekspertin sözlərinə görə, bu məsələdə qərarsızlıq olarsa, 2016-cı ildə banklarda ciddi problemlər yaranar:

"Banklar süni şəkildə problemli kreditlərin qeydiyyat müddətini uzada bilər. Ancaq bu müddətdə problemli kreditlərin həcmi artacaq, bankların gəlirlilik səviyyəsi kəskin aşağı düşəcək. Bu isə bir neçə həssas bankın müflis olmasi ilə nəticələnəcək".

Tarix
2015.12.28 / 10:59
Müəllif
Aygün Yusibova
Şərhlər
Digər xəbərlər

Radev Əliyevə zəng etdi: Səfər təxirə düşdü

Rəsmi İrəvan gərəksiz bəhanələr axtarmaq əvəzinə…

Bu, Ermənistanı yeni təxribatlara təşviq edə bilər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla