Axar.az saytının əski əlifba ilə olan versiyasında “Azərbaycan” sözünün yazılması ilə bağlı güneyli ziyalıların çoxsaylı müraciəti dəyərləndirilib.

Kult.az xəbər verir ki, bundan sonra “Azərbaycan” sözündə olan -z hərfi əvvəllər olduğu kimi “zal” (ذ) hərfi ilə deyil, “ze” (ز) ilə yazılacaq.

Qeyd edək ki, güneyli soydaşlarımız son illərdə “Azərbaycan” sözündən ərəb dili versiyasında yazılan “zal” hərfini çıxararaq, bütün mətnlərdə və yazılarda “ze” hərfindən istifadə edir. Axar.az saytında da bundan sonra əski əlifba versiyasında “Azərbaycan” sözü آذربایجان formasında deyil, آزربایجان formasında yazılacaq.

Saytımızın loqosundakı “Axar.az” sözündə də eyni qaydaya riayət olunacaq.