Ukrayna Rusiyanı 3 gün deyil, indi və 30 gün ərzində atəşkəs elan etməyə çağırıb.

Axar.az xəbər verir ki, bunu Ukrayna xarici işlər naziri Andrey Sibiqa X hesabında yazıb.

“Rusiya həqiqətən də sülh istəyirsə, dərhal atəşi dayandırmalıdır. Niyə mayın 8-nə qədər gözləyək? Atəş indi və istənilən tarixdən 30 gün ərzində dayandırılsa, deməli, bu, sadəcə parad üçün deyil, realdır. Ukrayna uzunmüddətli, davamlı və tam atəşkəsi dəstəkləməyə hazırdır. Ən azı 30 gün ərzində müntəzəm olaraq təklif etdiyimiz budur”, - o bildirib.

Qeyd edək ki, Rusiya Prezidenti Vladimir Putin Qələbənin 80-ci ildönümü ilə bağlı mayın 8-i saat 00:00-dan 11-i saat 00:00-a kimi atəşkəs elan edib.