Binəqədi rayonun Ağasadıq Gəraybəyli küçəsində yerləşən 31 saylı bina ilə Ziya Bünyadov prospektindəki 23 saylı binanın kəsişməsindəki həyət narkomanların yığışdığı məkana çevrilib.

Ərazidə yaşan sakinlərin Axar.az-a verdiyi məlumatda bildirilib ki, sözügedən həyətdə yığılıb qalan zibillər aylarla təmizlənmir. İşıqlandırma sistemi olmadığına görə həyətdə saxlanılan maşınlara gecə saatlarında kənar müdaxilələr olur.

Sakinlər iddia ediblər ki, problemlə bağlı Binəqədi rayon MKTB-nin 102 saylı mənzil-kommunal istismar sahəsinə müraciət etsələr də, rəhbərlik onları polislə hədələyib.

Məsələ ilə bağlı Binəqədi rayon MKTB-nin rəhbərliyinə saytımız tərəfindən sorğu göndərilib.