Bu il 72-ci dəfə keçiriləcək Venesiya Film Festivalının münsiflər heyətinin başçısının kimliyi məlum olub.

Axar.az xəbər verir ki, builki festivalın münsif rəhbəri "Yerin cazibəsi" (Gravity) filmi ilə məşhurlaşan Oskar mükafatlı meksikalı rejissor Alfonso Kuaron olacaq.

Alfonso Kuaron 2001-ci ildə "Y tu mama tambien" adlı filmi ilə və 2006-cı ildə də "İnsan övladı" (Children of men) ilə Venesiya Festivalından mükafatlar alıb. "Yerin cazibəsi" filmi də 70-ci Venesiya Film Festivalının açılış filmi olub.

Xatırladaq ki, Alfonso Kuaronun münsif rəhbərliyini edəcək 72-ci Venesiya Film Festivalı bu il sentyabrın 2-21 tarixləri arasında baş tutacaq.