Yuri Xaçaturov Ermənistanın Milli Təhlükəsizlik Şurasına rəhbər gətirilib.

Axar.az xəbər verir ki, bu barədə informasiyanı Ermənistan prezidentinin mətbuat xidməti yayıb.

Xaçaturovun yerinə - Ermənistanın Baş Qərargah rəisi vəzifəsinə isə müavini Movses Akopyan təyin edilib.

Milli Təhlükəsizlik Şurasının keçmiş rəhbəri Armen Gevorkyan bundan sonra Ermənistan Prezident Administrasiyasının rəhbəri funksiyasını yerinə yetirəcək.

Qeyd edək ki, bundan öncə Ermənistanın Prezident Administrasiyasının eks-rəhbəri Vigen Sərkisyan müdafiə naziri təyin edilib.

Movses Akopyan əslən Qarabağ ermənisidir. O, 2007-2015-ci illər ərzində qondarma rejimin "müdafiə naziri" işləyib.

Akopyan Xocalı soyqırımının törədilməsində birbaşa iştirak edən Rusiyanın 366-cı motoatıcı alayının komandirlərindən olub.