Onunla çoxsaylı səfərlərdə olarkən bu xanıma vuruldum və həyatımın ən dəyərli dostları sırasında qazandım. Bu gün isə itirdim.

Axar.az xəbər verir ki, bu sözləri şoumen Murad Dadaşov xalq artisti İlhamə Quliyevanın ölümü ilə bağlı Feysbukda paylaşdığı statusda yazıb:

"Bilirsiz, bəlkə də İlhamə Quliyevanı sevib və ya sevməyən olar?! Ola bilsin. İnsanlar çoxdur – fikirlər müxtəlifdir! Amma bir məsələni etiraf etmək lazımdır ki, o, həqiqətən çox dəyərli və gözəl sənətkar, çox sadiq dost və böyük ürəyə malik insan idi. Və inanın ki, ÇOX böyük yumor hissi olan bir şəxs idi. Onunla çoxsaylı səfərlərdə olarkən, mən bu xanıma vuruldum və həyatımın ən dəyərli dostları sırasında qazandım. Bu gün isə itirdim. Çox təəssüf ki, özünü mənə tanıdıb, sevdirdiyi qədər çox adama tanıda bilmədi! Çox təəssüf..."

Qeyd edək ki, xalq artisti İlhamə Quliyeva bu gün səhər saatlarında öz evində ürək tutmasından dünyasını dəyişib.