"Mədinə mənə həmişə "üzü nurlu atam mənim" deyə müraciət edir. O mənə övladlarım qədər yaxın və doğma olan mənəvi qızımdı, mən də onun mənəvi atası".

Bu sözləri Axar.az-a əməkdar artist Şamil Süleymanov "Kristal" qrupunun rəhbəri Mədinə Məlikin onun qızı olması ilə bağlı dediklərinə münasibət bildirərkən qeyd edib.

Aktyorun sözlərinə görə, M. Məlikin bu müraciəti və mətbuatın da bunu belə işıqlandırması onun sevindirib:

"Mən indi ən xoşbəxt günlərimi yaşayıram. Bu günlərdə bir problemlə bağlı xəstəxanaya getməli oldum. Burada mənə ən böyük dəstəyi övladlarımdan da çox Mədinə etdi.

Mənə "ata", "üzü nurlu atam" deməklə fərəhləndirdi. Bu mənim üçün fəxrdir ki, Mədinə kimi ağıllı bala məni özünə mənəvi ata bilir. Elə belə də yazın ki, mənim mərd qızım Mədinə atasını bu günlərdə tək qoymadı".

Axşam.az-ın məlumatına görə, Mədinə Məlik sosial şəbəkədə Milli Kino günü ilə bağlı atasını təbrik edib: "Atam, səni və sənin simanda bütün aktyorlarımızı təbrik edirəm. Allah səni mənə çox görməsin".

Bir çoxları bu xəbərdən təəccübləndiyini və prodüserin Ş.Süleymanlının qızı olduğunu bilmədiyini yazıb.